Lart

Kjo është receta e bukës që duhet të hani që të keni dobësim sa më të shpejtë

Mund ta përgatisni në shtëpi – Për një dobësim të shpejtë kjo është buka që duhet të hani.

Thekra është një drithë që ndryshe nga gruri, ka më pak kalori dhe më shumë fibër dhe ju mban më gjatë të ngopur. Buka e thekrës është e pasur me vitamina B që i japin organizmit energji gjatë ditës, dhe ndihmojnë sistemin tretës.

Pra, me këtë recetë ju do të përgatitni një bukë jo vetëm të shijshme, por edhe të shëndetshme.

Përbërësit

500 gr miell thekre

1 lugë çaji kripë

11 gr maja e thatë

330 ml ujë i ngrohtë

Vaj

Përgatitja

Në një tas të thellë shtoni miellin, kripën dhe majanë e bukës. Përzjejeni mirë me një lugë dhe më pas filloni të shtoni ujin ngadalë.

Pasi të keni hedhur të gjithë sasinë e ujit, kalojeni brumin në tavolinë dhe punojeni me duar.

Merrni tasin dhe lyejeni mirë me vaj, aty vendosni brumin dhe lëreni të pushojë për dy orë në një vend të ngrohtë.

Sigurohuni që tasin ta mbuloni ose me një pecetë kuzhine ose me qese kuzhine.

Pasi të ketë kaluar koha e nevojitur, lyeni një tavë mesatare me pak vaj dhe miell.

Kalojeni brumin tek tava dhe shtypeni lehtë me duar për ta hapur sa më mirë.

Mbulojeni përsëri me një pecetë dhe lëreni dhe dhjetë minuta që brumi të fryhet akoma dhe më shumë.

Para se ta fusni për ta pjekur, bëni disa prerje me një thikë në sipërfaqen e brumin.

Furrën vendoseni në 250 gradë dhe piqeni bukën për 20 minuta.

Nëse nuk dëshironi që korja e bukës t’ju dalë e fortë, mjafton që ta spërkatni me pak ujë dhe kripë gjatë kohës që piqet në furrë.

Pasi ta hiqni nga furra, lëreni të ftohet pak para se ta nxirrni nga tava.

Këtë bukë mund ta ruani në qese letre ose të mbështjellë me pecetë të thatë.

Shija e saj do të jetë më e plotë se buka e zakonshme e grurit, duke qenë se thekra është më e shijshme.

Për më tepër ajo është më e shëndetshme dhe perfekte për t’u konsumuar nëse dëshironi të bini nga pesha por nuk e lini dot bukën.

Shpërndaj
Fitnesi - Probleme.me
Fitnesi - Probleme.me

Përfitimet e stërvitjeve janë të pafundme, kur kryhen në mënyrë të sigurtë. Tek Probleme.me ju mund të gjeni artikuj se si të stërviteni në palestra si dhe ushtrime alternative. Nëse keni ndonjë sygjerim apo artikull për ta ndarë me ne, na kontaktoni në [email protected]