Cka është Masazhi?
Edita Berani Badivuku
Edita Berani Badivuku, Fizioterapiste/Hixhame terapiste. Studimet i ka përfunduar në Universitetin Shtetëror të Tetovës në degën e Fizioterapisë. Që nga viti 2014 ka punuar si fizioterapiste në Ambulancën e Terapisë Fizikale “FIZIOTERAPIA EDITA” në Mitrovicë pastaj në Vushtrri. Tash e dy vite është çertifikuar edhe për Hixhame terapi. Punon në Ambulancën e Terapis Fizikale “FIZIOTERAPIA EDITA” në Vushtrri (+38345620411) dhe ofron këto shërbime terapeutike: Elektroterapi, Ultrasonoterapi, Termoterapi, Kineziterapi, Masazhë manuale, Masazhë me vakum, Hixhame, Migun terapi, Detox Foot Spa, Kinesiotape, Trajtime të fytyrës.
Fjala masazh rrjedh nga gjuha Greke “MASSEIN” që do të thotë mbrojtje, modelim, në afrim me fjalën Latine “MANUS” që do të thotë dora që është instrumenti i veçantë me të cilin kryhet masazhi.
Prej mijëra vjetësh masazhi ka një rëndësi të madhe për trajtimin e të sëmurëve, të traumatizuarve, të gjymtuarve, etj. Secili prej nesh, në mënyrë instiktive lëmon ose fërkon një pjesë të trupit për të qetësuar dhimbjen.
Masazhi gjithnjë e më shpesh bënë pjesë në programet e mjekimit dhe pranohet me kënaqësi nga pacientët. Aktiviteti i masazhit klasik bënë pjesë në metodën që përdoret për të përmirësuar gjendjen sportive të sportistëve.
Masazhi gati gjithnjë shoqërohet me një gjimnastikë të lehtë aktivo-pasive dhe ushtrime të frymëmarrjes.
Masazhi vepron pozitivisht mbi psikikën me efekt çlodhës, qetësues dhe relaksues në mirëqenien e përgjithshme. Në bazë të literaturës moderne, mundësitë e veprimit të masazhit janë:
- Veprimi i përgjithshëm mbi organizmin
- Zgjerimi i kalibrit lokal të kapilarëve
- Regullimi i tonusit muskular
- Rritja e rikthimit venoz dhe limfatik, për pasojë rritjen e tonusit muskular, etj.
- Aktivizimi i hormoneve nervore dhe indore ( p.sh. lëndëve vazoaktive)
- Veprime reflektoze mbi organet e mrendshme, por edhe tek indet e lëkurës.
- Veprim qetësues të përgjithshëm.
Fizioterapisti ose Masazhisti në radhë të parë duhet të ketë arsimin përkatës sepse ai duhet të zotërojë mirë anatominë e trupit të njeriut.
Duhet njohur ndërtimin anatomik të sistemit të qarkullimit të madh e të vogël të gjakut, të qarkullimit arterial dhe venoz. Mënyrat kryesore të masazhimit tek dëmtimet sportive janë: lëmimi, fërkimi, shkrifja, shtrydhja, etj. Gjithashtu rol pozitiv luajnë edhe përdorimi i pastave, kremrave dhe vajrave të ndryshme.
Në Ambulancën e Terapisë Fizikale “FIZIOTERAPIA EDITA” në Vushtrri i aplikojmë disa lloje teknikash të masazhit: masazhë klasike, masazhë terapeutike, masazhë anticelulit, masazhë me vakum, masazhë me kupa, masazhë me aparatura dhe masazhë me shtratin Migun. Për termine mund të kontaktoni në numër +38345620411
