fbpx
Lart

Kur është koha më e mirë për të ushtruar

 

Ndërkohë që disa njerëz janë zgjuar herët në agim për të mbathur këpucët e tyre, të tjerët nuk mund të paramendojnë një stërvitje aq herët.

Gjetja e kohës së përkryer për të ushtruar është preferencë personale, ashtu siç është fiziologjia. Ushtrimi supozohet t’ju bëjë të ndiheni mirë – por nëse muskujt janë të tendosur në mëngjes ose nëse punoni natën vonë dhe nuk flini mjaftueshëm, kjo mund të jetë joproduktive.

Kur është koha më e mirë për të ushtruar

Përparsitë e ushtrimeve të pasdites

Shumë njerëz mund të përfitojnë nga stërvitjet në mëngjes, por nëse nuk mund të bëni këtë, mos u brengosni. Hulumtimet sugjerojnë se trupi mund të përshtatet në kohën e caktuar të stërvitjes, kështu që nëse shkojmë në palestër çdo ditë në orën 16:00, përfundimisht mund të performojmë më mirë në atë kohë sesa në çdo kohë tjetër të ditës.

Këto rezultate janë të ngjashme me hulumtimet e mëparshme, gjë që sugjeron se mbajtja në një kohë specifike e stërvitjes mund të rezultojë në performancë më të mirë, konsum më të lartë të oksigjenit dhe reduktim të lodhjes. Por planifikimi i një stërvitjeje është tejet i komplikuar.

Temperatura kryesore e trupit tuaj është një faktor i rëndësishëm në përcaktimin e cilësisë së stërvitjes. Një trup i ftohtë i lë muskujt të tendosur, joefikas dhe të ndjeshëm ndaj shtrembërimeve, ndërsa temperaturat më të larta të trupit i lënë muskujt më fleksibël.

Temperatura e trupit zakonisht rritet gjatë gjithë ditës, kështu që forca dhe qëndrueshmëria e muskujve mund të rritet në pasditen e vonë kur temperatura e trupit është më e lartë. Gjatë pasdites është edhe koha e reagimit më e shpejtë dhe puna e zemrës dhe presioni i gjakut janë më të ulëta, të gjitha këto kombinohen për të përmirësuar performancën dhe për të zvogëluar gjasat e përgjithshme të lëndimit.

Nivelet e hormoneve janë gjithashtu të rëndësishme në përcaktimin e kohës optimale të stërvitjes. Testosteroni është i rëndësishëm për rritjen e muskujve dhe forcën, si tek gratë ashtu edhe tek burrat. Dhe trupi prodhon më shumë testosteron në fund të pasdites, sesa gjatë aktiviteteve të mëngjesit. Plus, hormoni i stresit -kortizoli, i cili ndihmon në ruajtjen e yndyrës dhe reduktimin e indeve të muskujve, rritet në mëngjes dhe zvogëlohet gjatë gjithë ditës si dhe gjatë stërvitjes. Por ju që zgjoheni herët, keni vëmendje: Ushtrimet e mëngjesit mund të jenë të suksesshme poashtu.

 

 

Ushtrimet e mëngjesit

Ndonjëherë është më e lehtë për të mbajtur një rutinë të stërvitjes në mëngjes. Ushtrimet e pasdites dhe mbrëmjes kanë më shumë gjasa të jenë në konflikt me përgjegjësitë e tjera që i keni gjatë ditës. Plus, puna e një dite të ngarkuar mund të marrë shumë nga energjia jonë – që mund të pamundësoj të arrijmë synimet tona të palestrës.

 Ushtrimet e mëngjesit mund të jenë gjithashtu një opsion i mirë për një jetë pa stres. Meqenëse stërvitja rritë punën e zemrës dhe temperaturën e trupit,  puna në orët e vona të mbrëmjes (zakonisht pas orës 20) mund të çrregulloj gjumin, ndërsa një studim tregoi se puna në orën 7 të mëngjesit (krahasuar me orën 13 ose 19) mund të ndihmojë njerëzit të flenë më rehat gjatë natës.

Së fundi, një studim zbuloi se 45 minuta të stërvitjes së moderuar në mëngjes (si ecja) ndihmon të frenojmë oreksin drejtpërdrejt pas punës. Hulumtimet gjithashtu tregojnë se njerëzit mund të djegin deri në 20 për qind më shumë yndyrë trupore duke ushtruar në stomak bosh – shumë më e lehtë për të bërë këtë në mëngjes sesa në mbrëmje.

Në fund të fundit

Në fund, është më e rëndësishmja të gjeni një orar të qëndrueshëm të stërvitjes, pa marrë parasysh kohën. Nëse ushtrimet në mëngjes janë më të përshtatshme për orarin tuaj, vetëm sigurohuni që të ngrohni muskujt që mund të jenë të tendosur dhe shtrënguar nga gjumi. Dhe për të mbajtur ushtrimet në përputhje me agjendën, jini strikt, gjeni një shok për të stërvitur bashkë, dhe mbani një çantë të palestrës në makinë ose zyrë për të shmangur justifikimet.

Shpërndaj
Fitnesi - Probleme.me
Fitnesi - Probleme.me

Përfitimet e stërvitjeve janë të pafundme, kur kryhen në mënyrë të sigurtë. Tek Probleme.me ju mund të gjeni artikuj se si të stërviteni në palestra si dhe ushtrime alternative. Nëse keni ndonjë sygjerim apo artikull për ta ndarë me ne, na kontaktoni në [email protected]