30-Vjecari i Paralizuar Arrin të Ecë Sërish Falë Teknologjisë
Një 30-vjeçar, i paralizuar në të katërta gjymtyrët, ka mundur që të ecë dhe të përdorë sërish duart falë një skeleti robotik i cili kontrollohet nga truri i tij.
Pacienti, i cili është identifikuar vetëm si Thibault, mbeti i paralizuar nga qafa e poshtë në vitin 2015 pasi u rrëzua nga 15 metra lartësi, nga tarraca e një club-i.
Por, ai ka arritur që ta lëvizë sërish trupin për herë të parë që prej aksidentit që e la të ngujuar në një karrocë me rrota. Pas disa muajsh përgatitje, Thibault mundi ta kontrollojë trupin e tij, me fuqinë e mendjes, falë kostumit pioner.
Disa pamje prekëse të filmuara nga mjekët tregojnë sesi 30-vjeçari hedh hapa ngadalë ndërsa qëndron brenda skeletit që i mundëson ecjen.
Duke folur për eksperiencën, ai tha se po ndihej si ‘ njeriu i parë në Hënë.’
Gjymtyrët e francezit lidhen pas robotit dhe ky i fundit i merr komandat nga sinjalet që lëshon truri i pacientit.
Ky zbulim i madh është publikuar në revistën mjekësore, ‘The Lancet Neurology’, ndërsa kërkuesit e cilësojnë skeletin robotik si një përparim emocionues.
Sidoqoftë, kjo teknologji është ende në ditët e para të saj dhe larg përdorimit në jetën e përditshme. Pritet që të bëhen prova të tjera në pacientë të tjerë.
E Huazuar!
Ju rekomandojmë këta artikuj:
‘Mendoja se Isha e Çmendur’, Kjo është 32-Vjeçarja që Mund të Dëgjojë Gjakun Kur i Lëviz në Vena
Nëna Mbahej Gjallë me Aparatura, Foshnja Lind e Shëndetshme 117 Ditë pas Ngjarjes së Rëndë
