Lart

Fibrat e Tretshme dhe Të Patretshme: Cili është dallimi?

Fibrat bëjnë shumë më shumë sesa vetëm të ju mbaj të ushqyer mirë. Këto gjithashtu mund të ndihmojnë në uljen e kolesterolit, të mbajnë në nivel sheqerin në gjak, të bëjnë më të lehtë humbjen e peshës dhe madje të ndihmojnë të jetoni më gjatë.

Për të marrë të gjitha këto përfitime, ekzistojnë dy lloje të fibrave që trupi juaj ka nevojë: të tretshme dhe të patretshme. Të dyja vijnë nga bimët dhe janë forma të karbohidrateve. Por ndryshe nga karbohidratet e tjera, fibrat nuk mund të zbërthehen dhe të absorbohen nga sistemi juaj i tretjes. Në vend të kësaj, ndërsa ato lëvizin nëpër trupin tuaj, ngadalësojnë tretjen dhe bën që fecesi (jashtëqitja) të bëhet më i butë dhe më i lehtë për të kaluar.

Shumica e ushqimeve përmbajnë fibra të patretshme dhe të tretshme, por zakonisht janë më të pasura me njërin lloj sesa me tjetrin. Mënyra më e lehtë për t’i dalluar është: fibra e tretshme thith ujin, duke u kthyer në një qull sikur xhel (mendoni se çfarë ndodh kur shtoni ujë në bollgur), ndërsa fibra e patretshme nuk e thith ujin (mendoni se çfarë ndodh kur shtoni ujë në selino/celer) .

fibrat e tretshme dhe te patretshme

Ju rekomandojmë këtë artikull:

22 Ushqime të Pasura me Fibra që duhet t’i hani

Fibrat e tretshme

Ushqimet e pasura me këtë lloj fibre përfshijnë bollgurin, arrat, fasulet, mollët dhe boronicat.

Përfitimet shëndetësore përfshijnë:

Mbrojtjen e zemrës: Brenda sistemit tuaj të tretjes, fibra e tretshme i bashkëngjitet grimcave të kolesterolit dhe i nxjerr ato nga trupi, duke ndihmuar në uljen e nivelit të përgjithshëm të kolesterolit dhe në rrezikun e sëmundjeve të zemrës. Bollguri mund të ofrojë mbrojtje më të madhe të zemrës.

Mbrojtjen nga diabeti: Për shkak se fibra e tretshme nuk absorbohet mirë, ajo nuk kontribuon në shtimin e sheqerit në gjak që mund t’iu vë në rrezik për diabetin e tipit 2 dhe sëmundjet e zemrës. Nëse tashmë keni diabet (tip 1 ose tip 2), fibrat e tretshme mund të ndihmojnë gjithashtu që gjendja juaj të jetë nën kontroll.

Humbjen e peshës: Fibrat e tretshme gjithashtu mund t’iu ndihmojë të arrini – ose të qëndroni në një peshë të shëndetshme duke ju bërë të ndjeheni të plotë pa shtuar shumë kalori në dietën tuaj.

Lëvizjet e shëndetshme të zorrëve: Fibra e tretshme thith ujë pasi kalon përmes sistemit tuaj, gjë që ndihmon në ngurtësimin e fecesit (jashtëqitje) dhe mbron nga kapsllëku dhe diarrea. Në fakt, shumica e suplementeve të fibrave përmbajnë kryesisht fibra të tretshme.

 

Fibrat e patretshme

Këto gjenden në farat dhe lëkurat e frutave (gjithmonë hani lëvoret e pemëve), si dhe në bukë gruri dhe oriz ngjyrë kafe.

Fibrat e Tretshme dhe Të Patretshme

Përfitimet shëndetësore përfshijnë:

 

Humbjen e peshës: Ashtu si fibra e tretshme, fibra e patretshme mund të luajnë një rol kyç në kontrollin e peshës duke hequr ndjenjën e urisë.

 

Shëndetin e tretjes: Ngrënia e shumë fibrave të patretshme gjithashtu ndihmon në mbajtjen e rregullt dhe nëse merrni kapsllëk, duke shtuar më shumë fibra të tilla në dietën tuaj mund t’i rregulloj gjërat. Fibrat e patretshme gjithashtu mund të përmirësojnë problemet shëndetësore të lidhura me zorrë, si kapsllëku, hemorroidet dhe mosmbajtjen e fecesit (probleme me kontrollin e jashtëqitjes).

 

Ju rekomandojmë këtë artikull:

10 Përfitimet Mahnitëse Shëndetësore të Ngrënjes së më shumë Fibrave

faqja probleme.me
Shpërndaj
Nutricione - Probleme.meNutricione - Probleme.me
Nutricione - Probleme.me

Në Probleme.me mund të mësoni si të bëni zgjedhje të mençura për të shmangur glutenin dhe të ushqyerit shëndetshëm. Nëse keni ndonjë sygjerim apo koment na kontaktoni në [email protected]