Lart

Tetë Fruta me Sasi të Vogël të Sheqerit

Të gjitha frutat përmbajnë sheqer, ndonëse disa varietete kanë përmbajtje më të lartë sesa të tjerat. Njerëzit që kërkojnë të kontrollojnë konsumin e sheqerit shpesh do të heqin dorë ose do të reduktojnë konsumin e pijeve të gazuara, çokollatës apo karameleve, por nuk mund të mendojnë për frutat.

 

Natyrisht, fruti është një mënyrë e shëndetshme për t’u kujdesur për dëshirën për ëmbëlsira dhe për të shtuar lëndë ushqyese në dietë, por disa fruta, të tilla si bananet dhe mangot, kanë sasi më të lartë të sheqerit se shumë fruta të tjerë.

Në këtë artikull, ne do të shohim frutat më të mirë me përmbajtje të ulët të sheqerit për këdo që kërkon të zvogëlojë konsumimin e përditshëm të sheqerit pa kompromentuar shijen dhe ushqimin.

Tetë Fruta me Sasi të Vogël të Sheqerit

Tetë fruta të varfëra me sheqer

 

Fruta me sasi të vogël të sheqerit ende mund të ofrojnë fibra, vitamina dhe minerale që një person kërkon.

Ato përfshijnë:

 

  1. Dredhëzat

Dredhëzat, si shumë mana të tjera, shpesh janë të larta në fibra dhe përmbajnë shumë pak sheqer.

Përmbajnë vetëm rreth 8 gram (g) sheqer në tetë dredhëza të mesme. Ato janë gjithashtu burim i mirë i vitaminës C.

 

  1. Pjeshkat

Edhe pse kanë shije të ëmbël, një pjeshkë e mesme përmban vetëm rreth 13 g sheqer.

 

  1. Manaferrat e zeza

Ashtu si dredhëzat, këto mana gjithashtu përmbajnë 4 deri në 5 g sheqer, 5.3 g fibra dhe 1.39 g proteina për 100 g.

Ato janë gjithashtu një burim i mirë i antioksidantëve.

Është interesante të theksohet se boronicat përmbajnë rreth dyfishin e sasisë së sheqerit më shumë se këto manaferra.

 

  1. Limonat dhe lima

Jo shumë njerëz do të merrnin një limon ose limë për t’a ngrënë si meze. Megjithatë, me jo më shumë se 2 g sheqer për frut dhe nivele të larta të vitaminës C, këto janë një shtesë e madhe në dietën e një personi.

Njerëzit mund të shtrydhin një limon ose një limë në ujë të gazuar për të zëvendësuar pijet e tjera të gazuara me sheqer, ose mund të shtrydhin lëng limoni mbi një sallatë në vend që të përdorin salcë sallate.

 

  1. Pjeprat nektar

Si një porcion i vogël i njohur veror, një fetë pjepri nektar përmban rreth 11 gram sheqer të tretshëm.

Pjeprat nektar gjithashtu përmbajnë kalium, vitaminë C dhe hekur.

 

  1. Portokallet

Një portokall i mesëm ka rreth 14 g sheqer të tretshëm dhe gjithashtu është një burim i shkëlqyeshëm i vitaminës C.

Lëngu i portokallit dhe të gjitha lëngjet e tjera të blera nga marketi mund të përmbajnë sheqerna të shtuara. Nëse një person dëshiron të kufizojë marrjen e sheqerit, zakonisht është më mirë të hahet vetë fruti në vend që të pihet lëngun i tij.

 

  1. Grejpfruti

Ky frut me sheqer të ulët është një ushqim i preferuar për mëngjes.

Gjysma e një grejpfruti mesatar përmban rreth 11 g sheqer. Nëse një personi i shijon grejpfruti shumë i mprehtë, ai/ajo mund të dëshirojnë të shtojë një sasi të vogël të mjaltit ose të spërkasë Stevia përmbi.

 

  1. Avokadot

Avokadot janë pothuajse pa sheqer. Ata janë gjithashtu një burim i mirë i yndyrave dhe fibrave të shëndetshëm.

Ju rekomandojmë këta artikuj:

Sa Fruta Duhet të Hani në Ditë?

Fruta

Përfshirja e frutave me sasi të ulët të sheqerit në dietën tuaj

 

Pavarësisht nga përmbajtja e sheqerit, frutat duhet të jenë pjesë e një plani të ekuilibruar dhe të shëndetshëm dietal.

Përfitimet e rritjes së konsumit ditor të frutave nga një person përfshijnë:

  • Humbjen e peshës ose mbajtjen e një peshë të shëndetshme
  • Marrjen e vitaminave, mineraleve dhe fibrave esenciale
  • Reduktimin e rrezikut nga kanceri dhe sëmundjet e tjera

 

Një person mund të përfshijë frutat me pak sheqer në dietën e tyre në çdo vakt:

 

Mëngjes

Njerëzit të cilët zakonisht hanë drithëra duhet të jenë të sigurt për të zgjedhur drithëra pa sheqer të shtuar. Mundohuni të shtoni përmbi manaferra ose pjeshkë . Përndryshe, ngrënia e një sasie mesatare manaferash me kos të thjeshtë me yndyrë të ulët është gjithashtu një opsion i shëndetshëm.

Në vend që të pini lëng frutash, që ka përmbajtje të lartë të sheqerit, shtrydhja e lëngut e një gjysëm limoni ose lime në ujë me gaz mund të jetë një alternativë freskuese.

 

Drekë dhe darkë

Edhe një sallatë e shijshme mund të përfshijë elemente të frutave me sasi të ulët të sheqerit. Provoni të përdorni limon ose lëng limoni si salcë, ose të shtoni mbi sallatë feta avokadosh. Feta e portokallit dhe manaferrat gjithashtu bëjnë si shtesa të mrekullueshme sallate.

Frutat e plota janë një alternativë e shkëlqyeshme për ëmbëlsira të përpunuara. Frutat e ulët në sheqer mund të hahen me kos të thjeshtë ose të kthehen në një sallatë frutash duke shtuar një sasi të vogël të mjaltit nëse kërkohet.

 

Meze

Frutat e ulët në sheqer mund të jenë një alternativë e shkëlqyer për meze. Një person mund t’a bëjë më të lehtë ngrënien e frutave duke i prerë frutat e mëdha, të tillë si pjeprat, në copa të madhësisë së kafshimit dhe duke i mbajtur në frigorifer.

 

faqja probleme.me
Shpërndaj
Nutricione - Probleme.meNutricione - Probleme.me
Nutricione - Probleme.me

Në Probleme.me mund të mësoni si të bëni zgjedhje të mençura për të shmangur glutenin dhe të ushqyerit shëndetshëm. Nëse keni ndonjë sygjerim apo koment na kontaktoni në [email protected]