Lart

Pse Është e Keqe Proshuta e Derrit

Shumë njerëz kanë marrëdhënie dashuri-urrejtje me proshutë.

Ata e duan shijen por janë të shqetësuar se të gjithë mishrat e përpunuar dhe yndyra mund të jenë të dëmshme.

E pra, shumë mite në historinë e të ushqyerit nuk i qëndrojnë proves së kohës.

Le të zbulojmë nëse ideja që proshuta e derrit shkakton dëme është një prej tyre.

Pse Është e Keqe Proshuta e Derrit

Ka lloje të ndryshme të proshutës dhe produkti përfundimtar mund të ndryshojë nga prodhuesi në prodhues.

Kjo proshutë (bacon) bëhet nga derri, edhe pse ju mund të gjeni produkte të ngjashme si proshutë gjeldeti.

Proshuta zakonisht kalon nëpër një proces konservimi, gjatë së cilës mishi zhytet në një tretësirë të kripës, nitrateve dhe nganjëherë sheqerit. Në shumicën e rasteve, proshutat tymosen më pas.

Kriposja dhe tymosja janë mënyra për të ruajtur mishin, por këto metoda përpunimi gjithashtu kontribuojnë në shijen karakteristike të proshutës dhe ndihmojnë në ruajtjen e ngjyrës së kuqe.

Shtimi i kripës dhe nitrateve e bën mishin një mjedis armiqësor për rritjen e baktereve. Si rezultat, proshutat kanë jetë shumë më të gjatë se mish i freskët i derrit.

Proshuta e derrit është mish i përpunuar, por sasia e përpunimit dhe përbërësit e përdorur dallojnë ndërmjet prodhuesve.

 

PËRMBLEDHJE Kjo proshutë bëhet nga mishi i derrit dhe kalon nëpër një proces konservimi ku zhytet në kripë, nitrate dhe përbërës të tjerë.

 

Proshuta e derrit përmbanë shumë yndyrë

Yndyrnat në proshutë janë rreth 50% mono të pangopura dhe një pjesë e madhe e tyre është acid oleik.

Ky është i njëjti acid yndyror për të cilin lavdërohet vaji i ullirit dhe përgjithësisht konsiderohet “i shëndetshëm për zemrën”.

Pastaj rreth 40% është yndyrë e ngopur, e shoqëruar nga një sasi e mirë e kolesterolit.

Yndyra e mbetur në proshutë është 40% e ngopur dhe 10% poli e pangopur e shoqëruar nga një sasi e mirë e kolesterolit.

Kolesteroli dietik ishte një shqetësim në të kaluarën, por shkencëtarët tani pajtohen se ka efekte të vogla në nivelet e kolesterolit në gjakun tuaj.

Në të kundërtën, efektet shëndetësore të yndyrës së ngopur janë shumë të diskutueshme. Shumë profesionistë shëndetësorë janë të bindur se konsumi i lartë i yndyrës së ngopur është shkak i madh i sëmundjeve të zemrës.

Megjithëse konsumi i lartë e yndyrës mund të rrisë faktorët e rrezikut për sëmundjet e zemrës, studimet kanë dështuar të zbulojnë ndonjë lidhje të qëndrueshme midis konsumit të yndyrës së ngopur dhe sëmundjeve të zemrës.

Në fund, efektet shëndetësore të yndyrës së ngopur mund të varen nga lloji i yndyrës së ngopur, kontekstit dietik dhe mënyrës së jetesës së përgjithshme të njerëzve.

Ju nuk duhet të shqetësoheni për përmbajtjen e lartë të yndyrës në proshutë, veçanërisht pasi madhësia tipike e një porcioni është e vogël.

 

PËRMBLEDHJE Proshuta e derrit është e pasur me yndyrë të ngopur dhe kolesterol, të cilat nuk janë aq të dëmshme sa është besuar më parë. Gjithashtu, madhësia tipike e shërbimit të proshutës është e vogël.

 

Proshuta e derrit është mjaft ushqyese

Mishi ka tendencë të jetë shumë ushqyes dhe proshuta e derrit nuk bën përjashtim. Një pjesë tipike e proshutës së gatuar prej 100 gram përmbanë:

 

  • 37 gram të proteinave shtazore me cilësi të lartë
  • Vitamina B1, B2, B3, B5, B6 dhe B12
  • 89% e AZHR për selen
  • 53% e AZHR-së për fosfor
  • Sasi të mirë të mineraleve hekuri, magnezi, zinku dhe kaliumi

Megjithatë, të gjitha lëndët ushqyese të gjetura në proshutë gjenden edhe në produkte të tjera derri të përpunuara më pak.

 

PËRMBLEDHJE Mishi i derrit është i pasur me shumë lëndë ushqyese, duke përfshirë proteina dhe disa vitamina. E njëjta gjë vlen edhe për proshutën e tij.

 

Proshuta e derrit është e lartë në kripë

Meqenëse kripa përdoret në procesin e konservimit, proshutat kanë një përmbajtje shumë të lartë kripe.

Nggrënia e ushqimit me shumë kripë kripë shoqërohet me rritje të rrezikut për kancer të stomakut.

Konsumi i tepërt i kripës mund të rrisë presionin e gjakut tek njerëzit me ndjeshmëri kripore.

Megjithëse presioni i lartë i gjakut është i dëmshëm në afat të gjatë, studimet nuk kanë zbuluar lidhje të qëndrueshme mes marrjes së kripës dhe vdekjeve për shkak të sëmundjeve të zemrës.

Megjithatë, nëse keni presion të lartë të gjakut dhe dyshoni se mund të jeni i ndjeshëm ndaj kripës, merrni parasysh kufizimin e konsumit të ushqimeve të kripura, duke përfshirë proshutën.

 

PËRMBLEDHJE Ngrënia e proshutës dhe ushqimeve të tjera të kripura rritë presionin e gjakut tëk njerëzit e ndjeshëm ndaj kripës. Gjithashtu mund të rrisë rrezikun e kancerit të stomakut.

 

Nitratet, nitritet dhe nitroaminat

Mishi i përpunuar gjithashtu përmban aditivë si nitrate dhe nitrite.

Problemi me këta aditivë është se gatimi në nxehtësi të lartë shkakton që ato të formojnë përbërës të quajtur nitroamina, të cilat janë kancerogjene të njohura.

Megjithatë, antioksidantët si vitamina C dhe acidi eritorbik tani shtohen shpesh gjatë procesit të konservimit. Këto në mënyrë efektive zvogëlojnë përmbajtjen e nitroaminave në proshutë.

Proshuta përmban nitroamine shumë më pak se ai në të kaluarën, por shkencëtarët janë ende të shqetësuar se konsumi i lartë mund të rrisë rrezikun e kancerit.

Ajo gjithashtu përmban komponime të tjera potencialisht të dëmshme, të cilat diskutohen në kapitullin tjetër.

 

PËRMBLEDHJE Proshuta e skuqur mund të jetë e lartë në nitroamina, të cilat janë kancerogjene. Megjithatë, prodhuesit e ushqimit kanë arritur të reduktojnë përmbajtjen e nitroaminave në mënyrë të konsiderueshme duke shtuar vitaminë C.

 

Komponime të tjera potencialisht të dëmshme

Kur është fjala për gatim mishi, është e rëndësishme për të gjetur ekuilibrin. Mbigatimi është i pashëndetshëm, por nëngatimi gjithashtu mund të jetë shqetësim.

Nëse përdorni shumë nxehtësi dhe djegni mishin, do të krijohen komponime të dëmshme si hidrokarburet aromatike policiklike dhe aminat heterociklike, të cilat janë të lidhura me kancerin.

Nga ana tjetër, disa lloje të mishit mund të përmbajnë patogjene si baktere, viruse dhe parazit.

Për këtë arsye, ju duhet të gatuani mirë mishin, por jo shumë.

 

PËRMBLEDHJE Gjithë mishi duhet të gatuhet mjaft mirë për të vrarë patogjenët e mundshëm, por jo aq shumë sa të digjet.

 

Shqetësimet rreth mishit të përpunuar

Për dekadat e fundit, nutricistët kanë qenë të shqetësuar në lidhje me efektet shëndetësore të proshutës dhe mishrave të tjerë të përpunuar.

Shumë studime vëzhguese kanë gjetë lidhje mes konsumit të lartë të mishit të përpunuar me kancerin dhe sëmundjet e zemrës.

Në veçanti, mishi i përpunuar është lidhur me kancerin e zorrës së trashë, gjirit, mëlçisë dhe kancerit të mushkërive, si dhe të tjerëve.

Ka gjithashtu lidhje midis mishit të përpunuar dhe sëmundjeve të zemrës.

Një analizë e madhe e studimeve të ardhshme zbuloi se mishi i përpunuar ishte dukshëm i lidhur me sëmundjet e zemrës dhe diabetin.

Megjithatë, njerëzit që hanë shumë mish të përpunuar kanë tendencë të ndjekin një mënyrë jetese jo të shëndetshme në përgjithësi. Ata kanë më shumë gjasa të pijnë duhan dhe të ushtrojnë më pak.

Pavarësisht kësaj, këto gjetje nuk duhet të injorohen, sepse lidhshmëritë janë të qëndrueshme dhe mjaft të forta.

 

PËRMBLEDHJE Studimet vëzhguese tregojnë vazhdimisht një lidhje midis konsumit të mishit të përpunuar, sëmundjeve të zemrës dhe disa llojeve të kancerit.

 

Në fund të fundit

Shumë studime kanë lidhur produktet e përpunuara të mishit, të tilla si proshutën, me kancerin dhe sëmundjet e zemrës.

Të gjithë këto janë studime vëzhguese, të cilat nuk mund të provojnë shkakun. Megjithatë, rezultatet e tyre kanë qenë mjaft të qëndrueshme.

Në fund të ditës, duhet të zgjedhësh dhe të shqyrtosh çështjen në mënyrë objektive.

Nëse mendoni se përfshirja e proshutës në jetën tuaj i’a vlenë, atëherë praktikojeni një rregull të thjeshtë që vlen për shumicën e produkteve ushqimore të përpunuara: sasia e vogël është çelësi.

Shpërndaj
Nutricione - Probleme.me
Nutricione - Probleme.me

Në Probleme.me mund të mësoni si të bëni zgjedhje të mençura për të shmangur glutenin dhe të ushqyerit shëndetshëm. Nëse keni ndonjë sygjerim apo koment na kontaktoni në [email protected]