Lart

Cilat janë Përfitimet Shëndetësore të Kungullit

Shumë njerëz i mendojnë kungujt si pak më shumë sesa një dekorim të Halloween-it. Sidoqoftë, mund të jetë ta rishikojmë këtë bimë ngjyrë portokalli të shëndosh dhe të shëndetshme.

Kungulli është një ushqim shumë i dendur me lëndë ushqyese. Është i pasur me vitamina dhe minerale, por ka pak kalori. Farat e kungullit, gjethet, dhe lëngjet, të gjitha këto formojnë një grusht të fuqishëm ushqyes.

Ka shumë mënyra se si kungulli mund të përfshihet në deserte, supa, sallata, dhe madje edhe si një zëvendësim i gjalpës. Një gamë e produkteve të kungullit është në dispozicion që të blihet në internet.|

Cilat janë Përfitimet Shëndetësore të Kungullit

Fakte të shpejta për kungujt

Kaliumi që përmbajnë kungujt mund të ketë efekt pozitiv në tensionin e gjakut. Antioksidantët në kungull mund të ndihmojnë në parandalimin e dëmtimeve degjenerative në sy.

Shmangni përzierjen e byrekut të kungullit të konservuar, pasi që zakonisht përmban sheqerëra dhe shurupe të shtuara. Kungujt e paprerë duhet të vendosen në vende të freskëta e të errëta për deri në dy muaj.

Pureja e kungullit apo kungulli i konservuar mund të përdoret si zëvendësim për gjalpin dhe vajin në receta të gatimit.

Përfitimet e mundshme shëndetësore

Kungulli ka një varg përfitimesh shëndetësore fantastike, përfshirë të qenit njëri nga burimet më të njohura të beta-karotenit.

Beta-karoteni është një antioksidant i fuqishëm. Ai gjithashtu u jep perimeve dhe frutave të portokallta ngjyrën e tyre kumbuese. Trupi e konverton çdo beta-karoten të patretur në vitaminë A.

Konsumimi i ushqimeve të pasura me beta-karoten mund ta ulë rrezikun e zhvillimit të llojeve të caktuara të kancerit, ofron mbrojtje kundër astmës dhe sëmundjeve të zemrës, shtyn plakjen dhe degjenerimin e trupit.

Shumë studime kanë sugjeruar se ngrënja e më shumë ushqimeve bimore të tilla si kungulli e ulë rrezikun për obezitet dhe vdekjen në përgjithësi. Mund të ndihmoj gjithashtu në parandalimin e diabetit dhe sëmundjeve të zemrës, dhe ndihmon në ngjyrë të lëkurës dhe flokë të shëndetshme, rritje të energjisë, dhe një indeks të shëndetshëm të masës trupore (BMI).

Kungujt janë gjithashtu një burim i fuqishëm i fibrave.

Ata kanë demonstruar përfitimet e mëposhtme shëndetësore.

Rregullimi i tensionit të gjakut

Ngrënja e kungullit është e shëndetshme për zemër. Fibrat, kaliumi dhe vitamina C në kungull, mbështesin shëndetin e zemrës.

Studimet sugjerojnë se konsumimi i mjaftueshëm i kaliumit mund të jetë pothuajse aq i rëndësishëm sa zvogëlimi i konsumimit të natriumit për trajtimin e hipertensionit, apo tensionit të lartë të gjakut. Zvogëlimi i konsumimit të natriumit përfshinë ngrënjen e ushqimeve që përmbajnë pak ose aspak kripë.

Rritja e konsumimit të kaliumit lidhet gjithashtu me një rrezik të zvogëluar nga sulmi në zemër, mbrojtje ndaj humbjes së masës muskulare dhe ruajtjen e dendësisë së mineraleve të eshtrave.

Zvogëlon rrezikun nga kanceri

Hulumtimi ka sugjeruar një lidhje pozitive ndërmjet një diete të pasur me beta-karoten dhe një rreziku të zvogëluar të kancerit të prostatës.

Beta-karoteni gjithashtu ka treguar të frenoj zhvillimin e kancerit të zorrës së trashë në një pjesë të popullatës së Japonisë.

Autorët e studimit kanë konkluduar:

Ne kemi gjetur një lidhje të anasjelltë statistikisht të rëndësishme në mes të përqendrimeve më të larta të plasma likopenit [një lloj i beta-karotenit] dhe një rreziku të ulur të kancerit të prostatës, i cili ishte i kufizuar tek pjesëmarrësit më të moshuar dhe tek ata pa histori familjare të kancerit të prostatës.

Kungujt përmbajnë një pasuri me antioksidant. Vitamina C, vitamin E dhe beta-karoteni kanë treguar të mbështesin shëndetin e syve dhe parandalojnë dëmtimet degjenerative.

Një studim ndër seksional i grave të moshuara Afro-Amerikane ka treguar se konsumimi i 3 e më shumë servimeve në ditë ishte i lidhur me një rrezik të ulur të degjenerimeve makulare të lidhura me moshën.

Luftimi i diabetit

Kungulli ndihmon në kontrollimin e diabetit.

Komplekset bimore në farat dhe masën e butë të kungullit janë të shkëlqyera për ndihmimin e absorbimit të glukozës në inde dhe në zorrë, si dhe në balancimin e nivelit të glukozës së mëlçisë.

Mund të jenë të lidhura me një rrezik më të ultë të diabetit të tipit 2, por ky efekt nuk është demonstruar në vazhdimësi. Megjithatë, këto komponime kanë një ndikim që hulumtuesit sugjerojnë se ato mund të ripërpunohen në një ilaç anti-diabetik, megjithëse nevojiten studime të mëtutjeshme.

 

Përmbajtja ditore e fibrave

Kungujt janë burim fantastik i fibrave. Njerëzit nuk konsumojnë mjaftueshëm fibra, me një mesatare të konsumimit ditor prej vetëm 15g. Sasia e rekomandueshme e konsumimit ditor të fibrave është mes 25 dhe 30g.

Fibrat ngadalësojnë shkallën e absorbimit të sheqerit në gjak, si dhe ndihmojnë në zbrasje të rregullta fiziologjike dhe tretje të patrazuar. Një konsumim i shëndetshëm i fibrave mund të ndihmoj gjithashtu në reduktimin e rrezikut të kancerit të zorrëve.

Me afërsisht 3 gram fibra në kungullin e freskët të gatuar dhe mbi 7 gram në kongullin e konservuar, shtimi i një servimi të kongullit në dietën tuaj ditore mund të ndihmoj në plotësimin e mungesës së fibrave në dietën mesatare amerikane.

Shëndeti imunitar

Kungujt mund të mbrojnë imunitetin.

Masa e butë dhe farat e kungullit kanë sasi të lartë si të vitaminës C ashtu edhe të beta-karotenit. Këto ofrojnë një shtytje të sistemit imunitar duke përdorur një kombinim të fuqishëm të lëndëve ushqyese.

Beta-karoteni konvertohet në vitaminë C. Kjo e nxitë prodhimin e qelizave të bardha të gjakut, të cilat luftojnë kundër infeksioneve.

 

faqja probleme.me
Shpërndaj
Nutricione - Probleme.meNutricione - Probleme.me
Nutricione - Probleme.me

Në Probleme.me mund të mësoni si të bëni zgjedhje të mençura për të shmangur glutenin dhe të ushqyerit shëndetshëm. Nëse keni ndonjë sygjerim apo koment na kontaktoni në [email protected]