Recetë e Pashtetës se Mëlqisë së Pulës
Koha Totale:
- 25 minuta
Për sa Persona:
- 6 – 8 persona
Lloji i Dietës:
- Ketogjenike
Përbërësit
- 3 lugë gjelle gjalpë + 3 lugë gjelle gjalpë të shkrirë për ta shtuar në fund (opsionale)
- ½ kg mëlqi pule
- 3 thelba hudhër
- 1 qepë e prerë
- 1 degëz rozëmarinë
- 1 degëz trumzë
- 1 lugë të çajit kripë
- 1 lugë të çajit piper
Udhëzimet
- Në një tigan në temperaturë mesatare, kombinoni 3 lugë gjalpë, hudhër, qepë, rozëmari, trumzë, kripë dhe piper dhe fërgoni për 5 minuta.
- Shtoni mëlqinë e pulës dhe piqni deri sa të zhduket ngjyra rozë (rreth 15 minuta).
- Shtoni të gjithë përbërësit në mikser dhe përziejini deri sa të zbuten.
- Shpërndajeni pashteten në pjatë dhe hidhini gjalpë të shkrirë sipër.
- Lëreni të ftohet në frigorifer për 1-2 orë.
- Shërbejeni me bukë dhe me çfarëdo shtese tjetër.
Si të përgatisim pashteten me mëlqi të pulës
- Për të filluar këtë recetë, së pari duhet t’i prisni 3 thelba hudhra dhe 1 qepë. Pastaj, prisni një degëz rozëmari dhe një degëz trumzë.
- Tani përbërësit janë gati. Merrni një tigan me përmasa mesatare dhe shtoni hudhrat e prera, qepët, rozëmarinë dhe trumzën, plus nga një lugë të çajit me kripë dhe piper. Gjithashtu do të duhet të shtoni 3 lugë gjalpë. Preferohet gjalpi që është më i pasur me acide yndyrore dhe vitamina që i tretin yndyrnat.
- Përziejini këtë përzierje për përafërsisht 5 minuta dhe pastaj bëhuni gati të shtoni ½ kg mëlqi pule.
- Gatuajeni pulën deri sa të hiqet ngjyra rozë. Kjo mund të marr deri në 15 minuta. Përdorni lopatëzën për të rrotulluar dhe përzier pashteten ashtu që te behet e njetrajtshme.
- Pastaj shtoni të gjithë përbërësit nga tigani në mikser të ushqimit dhe përziejini deri sa të zbuten.
- Më pas merreni pashteten dhe shpërndajeni njësoj në pjatë. Gjithashtu keni edhe opsionin që të shtoni tre lugë gjalpë mbi pashtete.
- Përpara se të zhyteni në të, lëreni të ftohet në frigorifer për 1-2 orë.
- Pëlqehet që te shpërndahet në bukë me perime. Ju bëftë mirë!
